Finlandiya Ukraynaya humanitar yardımın göstərilməsi və qış mövsümünə hazırlıq məqsədilə ümumilikdə 7 milyon avro vəsait ayırıb.

Tvit.az xəbər verir ki, bu barədə Finlandiya Xarici İşlər Nazirliyinin açıqlamasında və Ukrayna tərəfinin yaydığı məlumatda bildirilib.

Finlandiya Xarici İşlər Nazirliyinin məlumatına əsasən, ayrılan vəsaitin 2 milyon avrosu humanitar ehtiyacların qarşılanmasına yönəldiləcək. Bu məbləğin 1 milyon avrosu BMT-nin Ümumdünya Ərzaq Proqramı vasitəsilə cəbhəyanı ərazilərə ərzaq və digər zəruri ləvazimatların çatdırılması üçün istifadə olunacaq.

Qalan 1 milyon avro isə BMT-nin Qaçqınlar üzrə Ali Komissarlığı vasitəsilə məcburi köçkünlərə və döyüş bölgələrindən təxliyə edilən şəxslərə yardım göstərilməsi üçün ayrılacaq.

Bundan əlavə, Ukraynanın Baş naziri Sergey Koretski ilə finlandiyalı həmkarı Petteri Orpo arasında keçirilən görüşün yekunlarına əsasən, Helsinki Ukraynanın qış mövsümünə hazırlığına əlavə 5 milyon avro ayıracağını açıqlayıb.