Süni intellekt xərçəng növünün erkən aşkarlanmasında əhəmiyyətli irəliləyişlər əldə edib.

Tvit.az xarici mediaya istinadən xəbər verir ki, ABŞ-da aparılan yeni tədqiqatlara görə, süni intellektlə işləyən sistem mədəaltı vəzi xərçəngini inkişaf etməzdən çox əvvəl, hətta ənənəvi müayinələrlə aşkarlana bilməzdən əvvəl aşkar edə bilər.

Tədqiqatçılar tərəfindən hazırlanmış süni intellekt modeli, müntəzəm olaraq çəkilən kompüter tomoqrafiyası (KT) müayinələrini təhlil edərək xəstəlik əlamətlərini orta hesabla 475 gün əvvəl aşkar edə bilir. Bu o deməkdir ki, risk siqnalları xəstəyə diaqnoz qoyulmazdan təxminən bir il yarım əvvəl verilir.

Bu sistem çılpaq gözlə qavranılması çətin olan çox incə dəyişiklikləri aşkar etməklə işləyir. İnsan gözünün görmədiyi bu detallar süni intellekt üçün vacib ipuculara çevrilir.

Aysel Şirinova