​Dünyanın ən populyar tərcümə xidməti olan "Google Translate", tətbiqin ən güclü xüsusiyyətlərindən biri hesab edilən "Live Translate" (Canlı Tərcümə) rejiminə oflayn dəstək gətirməyə hazırlaşır. 

Tvit.az xarici mediaya istinadən xəbər verir ki, bu yenilik istifadəçilərə internet bağlantısı olmadan real vaxt rejimində səsli ünsiyyət qurmağa imkan verəcək.

​Hazırda "Google Translate" mətnlər və şəkillər üçün oflayn dil paketləri təklif etsə də, canlı səsli tərcümə rejimi mütləq aktiv internet bağlantısı tələb edir. Yeni yeniləmə ilə bu məhdudiyyət aradan qaldırılır.

​“Android” üçün yayımlanan son proqram kodlarında aşkar edilən məlumatlara görə, "Google" artıq "Canlı Tərcümə"nin oflayn işləməsi üçün hazırlıqları tamamlayıb. İstifadəçilər əvvəlcədən müvafiq dil paketlərini yükləməklə, hətta internetin olmadığı ən ucqar yerlərdə belə xarici dildə danışan şəxslərlə anlıq ünsiyyət qura biləcəklər.

Aysel Şirinova