İran sərhədçilərinin Əfqanıstandan İrana keçmək istəyən miqrantlara atəş açdığı bildirilir.

Tvit.az bu barədə xarici KİV-ə istinadən xəbər verir.

Məlumata görə, hadisə Əfqanıstanın Herat əyalətinin İranla sərhəddə yerləşən Kəmanə və Bünyadxan kəndləri yaxınlığında baş verib.

Atəş nəticəsində iki nəfər həlak olub, bir neçə nəfər isə yaralanıb. Yaralılar Heratdakı xəstəxanalara yerləşdirilib. Onlardan bəzilərinin vəziyyəti ağırdır.

Hadisə ilə bağlı İran tərəfi və Taliban hökuməti hələlik rəsmi açıqlama verməyib. 

Elmin Alışov