ABŞ və Rusiya prezidentləri Donald Tramp və Vladimir Putinin Ankoricdə görüşü cümə günü yerli vaxtla saat 11:00-da (Bakı vaxtı ilə saat 23:00) başlayacaq.

Bu barədə məlumat ABŞ Prezidentinin Ağ Evin mətbuat xidməti tərəfindən yayılan cədvəlində öz əksini tapıb.

Cədvəl həmçinin göstərir ki, Bakı vaxtı ilə saat 18:45-də Tramp Ağ Evdən Alyaskanın Ankoric şəhərinə yola düşəcək.

Avqustun 15-də Alyaskada Rusiya-ABŞ sammiti keçiriləcək.

Tədbirdə ABŞ və Rusiya arasında iqtisadi əməkdaşlıq məsələlərinin müzakirə ediləcəyi gözlənilir. Bununla belə, görüşün əsas mövzusu Ukrayna böhranının həlli olacaq.

Prezidentlərin təkbətək danışıqlara başlayacağı, daha sonra 5-ə 5 formatında davam edəcəyi gözlənilir.

Əsas mövzular arasında Ukrayna münaqişəsinin həlli, iqtisadi əməkdaşlıq və strateji sabitlik olacaq.