Rusiya ABŞ-nin “Tayfun” raket komplekslərini Yaponiyada yerləşdirməsini destabilizasiya addımı hesab edir.

Tvit.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova XİN-in saytında dərc olunmuş şərhində bildirib.

“Bunu Vaşinqtonun müxtəlif regionlarda müvafiq sistemləri irəli mövqelərdə yerləşdirmək məqsədilə orta və qısa mənzilli raketlərin (RSMB) quruda yerləşdirilən potensialını artırmaq kursunun növbəti destabilizasiyaedici addımı kimi qiymətləndiririk”, – deyə Zaxarova vurğulayıb.

Onun sözlərinə görə, Rusiyaya bitişik regionlarda belə raket potensiallarının artırılması ölkənin təhlükəsizliyinə birbaşa təhdid yaradır. Bundan əlavə, bu addım “regional və qlobal sabitlik üçün dağıdıcı nəticələrə” səbəb olacaq.