Fransanın "Lans" klubunun azarkeşləri UEFA Çempionlar Liqasının son oyununda pirotexniki vasitələrdən istifadə etdiklərinə görə oktyabrın 30-da Fransa çempionatında "Lill"ə qarşı keçiriləcək səfər matçına bilet ala bilməyəcəklər.

Tvit.az xəbər verir ki, bu barədə klub rəhbərliyinin rəsmi saytında məlumat verilib.

Məlumata görə, "Lill"in stadionunda qonaq azarkeşlər üçün sektor açılmayacaq. Həmçinin "Lans"ın azarkeşləri UEFA-nın oktyabrın 21-də "Brügge" ilə keçirilən oyuna görə Fransa klubunu cəzalandırması nəticəsində Çempionlar Liqasında "Leypziq" (24 noyabr) və "Liverpul"la (27 yanvar) səfər oyunlarına da gedə bilməyəcəklər. Həmin qarşılaşmada "Lans" 0:3 hesabı ilə məğlub olub.

Qeyd edək ki, oyun zamanı "Lans" azarkeşləri 130 dəfədən çox pirotexniki vasitəni meydançaya tərəf atıblar. Bundan başqa, stadionda bir stüard və əlilliyi olan azarkeşlər də pirotexniki vasitələrin hədəfinə çevriliblər.

"Lans" ötən mövsüm Fransa çempionatında PSJ-dən sonra ikinci yeri tutub, həmçinin Fransa Kubokunu qazanıb. Komanda cari mövsümə isə Fransa Superkubokunda qələbə ilə başlayıb.