Ukrayna Müdafiə Nazirliyi Türkiyədən Kiyevi hava hücumundan müdafiə sistemləri ilə təchiz etməyə başlamağı və ölkənin hərbi sənaye kompleksinə (MİK) sərmayə qoymağı xahiş edib. 

Tvit.az xarici mediaya istinadən xəbər verir ki, bu istəklər Türkiyənin xarici işlər naziri Hakan Fidan ilə görüşdə səsləndirilib.

Bu barədə Ukraynanın müdafiə naziri Rustem Umerov Facebook sosial şəbəkəsindəki səhifəsində məlumat verib. 

"Müdafiə nazirinin birinci müavini Sergey Boev Ukraynanın dəstəyə ehtiyacı olan əsas sahələri qeyd edib. Müdafiə sənayesinə investisiyalar, hava hücumundan müdafiə avadanlıqları və sistemlərinin təchizatı, hava hücumundan müdafiə sursatları, əsas çaplı mərmilər, uzaq mənzilli imkanlarımızın gücləndirilməsi daxildir. 

Bundan əvvəl məlum olub ki, ABŞ lideri Donald Tramp telefon danışığı zamanı Rusiya prezidenti Vladimir Putindən Ukraynada nizamlanma ilə bağlı memoranduma dərhal rədd ediləcək təkliflə çıxış etməkdənsə, Kiyevin razılaşa biləcəyi məqamları daxil etməyi xahiş edib.