Özbəkistanın xarici işlər naziri Bəxtiyor Saidov BMT baş katibinin müavini, təşkilatın Terrorla Mübarizə İdarəsinin rəhbəri Aleksandr Zuyevlə görüşüb.

Görüşdə terrorizm və ekstremizmlə mübarizə sahəsində əməkdaşlığın inkişafı, eləcə də ikitərəfli “Yol Xəritəsi”nin icrası müzakirə olunub.

Tərəflər Özbəkistanın vətəndaşların reabilitasiyası və cəmiyyətə reinteqrasiyası sahəsində təcrübəsinə, regional təhlükəsizliyə, dini tolerantlığın təşviqinə və mədəniyyətlərarası dialoqun inkişafına xüsusi diqqət yetiriblər.

Həmçinin region ölkələri arasında əməkdaşlığın gücləndirilməsinə dair təşəbbüslər ətrafında fikir mübadiləsi aparılıb.