Gürcüstan gələcəkdə Aİ-yə üzv olmaq istəyirsə, qanunvericiliyini Avropa standartlarına uyğunlaşdırmalıdır.
Avropa İttifaqının Gürcüstandakı səfiri Pavel Herçinski bildirib.
O, bu barədə xarici təsirlərin şəffaflığı haqqında qanunla bağlı jurnalistin sualını cavablandırarkən danışıb.
Səfirin sözlərinə görə, Gürcüstan ABŞ, Rusiya və ya Çin deyil, məhz Avropa qanunvericiliyinə uyğun qərarlar qəbul etməlidir.
Qeyd edək ki, jurnalistin sualı xarici təsirin şəffaflığı haqqında qanuna aid olub. Həmin qanunun ABŞ-ın xarici agentlərin qeydiyyatı haqqında FARA qanunundan birbaşa tərcümə edildiyi bildirilir.
